塘福 Camp

3／７　
十二點同井雄搵
阿翹．晴．麻路。
往佳寶買小小食物入梅窩
坐巴士去港澳客運站轉船入去
落車行錯路，行左反方向。
拎住袋汽水白行左大段路先知行錯
行返轉頭，終於到碼頭，不過出哂汗，熱到叫救命

Join埋 CF．Yanlai．瑞澤。
上船，８人向梅窩出發。

去到梅窩
本身都想去市場買多小小食物入去
比個巴士士機嚇一嚇
話再唔上車，下一班就要等一個鐘
咩都冇買到就上車，入塘福
途中有個BB仔系我隔離，聊我玩，不過我唔識應付
同佢握握手就冇理佢啦
撘車途中比我一種似係返大陸既Feel
周圍都係樹，路又窄，行車線得兩條。

入到屋，個個都冇準備到啲乜野可以消磨時間。
結果男既打機，女既吹水
太悶，走左落去樓下士多買副Dee鋤
十蚊老虎牌，貴到

夜晚打邊爐
個爐插鬚太大，廳冇插頭啱插
打電話同個業主反映，又話唔關佢事。
迫住入廚房打-___-
又窄又迫又熱。在食物不足的情況下
打邊爐，其實都唔錯
企系度食真係另一番滋味
沙嗲湯底好好飲，個個飲唔停
即使食物唔夠，飲湯都可以飲飽 xD

4／７
踏入凌晨十二點
大家吹下水，鋤下Dee，睇下電視
玩下小遊戲
差唔多咩都玩暈哂
估領袖，七級豬，三文治，襟綿胎，Killer
跟住仲玩話枕頭大戰
大家都話好
跟住入哂房，個個拎住枕頭叫訓覺 -__-
時間慢慢過，到左凌晨三點幾
我．澤．翹．井雄．Yanlai
出去探險，行左出去海灘。
海灘的上空，滿佈繁星
真係好靚，咁大個仔真係第一次見到咁多星星
同一時間系天空閃亮
香港市區真係絕對睇唔到啲咁靚既美景。
大興奮，Call埋CF．晴．麻路落黎
接埋佢地，再返到海灘
天空上的雲散得更多，星星更加多，更加清楚
後來更加出現流星
雖然停留一秒都未必有
亦都冇許願，但都好滿足
宇宙真係好奇妙

睇完返屋企訓
早上起床，食早餐
出前一丁公仔麵
塘福此地，無市集，無超市
黑店士多就有幾間
出前一丁公仔麵 ４蚊包。
返上去煮公仔麵 ＋ 昨晚打邊爐餘下的幾粒燒賣
好又一餐，唔好又一餐，食住先。
個個系度掛住市區Ｄ美食

食完野出左露台吹風，打機
咁啱對面屋開爆喇叭，播Disco歌 DJ打碟
一邊打機，一邊聽，
再一邊偷聽隔離屋兩個人吹水 xD
聽到佢地話海灘見到海豚
於事拉大隊去海灘玩
海豚就見唔到條
寄居蟹就有幾隻
同澤．井雄一齊活埋隻野 =_="

海灘水濁沙幼
沙就好幼喇，水就差左啲
啲水又濁，浪又細
游左陣就算數
上岸玩沙，亂堆啲野出黎
之後洗個身就返屋企沖涼。

晚上肚餓叫食飯
本來打算BBQ 可惜在這個鬼地方
出前一丁就有你份 -____-
落去士多再買出前一丁＋汽水
晚餐就係出前一丁＋汽水，再痴翹．CF．Yanlai幾塊餅算數。

5／７
凌晨
大家依然都係吹下水，鋤下Dee，睇下電視
本身話想再出外觀星
但時間還早
又話玩枕頭大戰 (枕頭小case
今次黎真的
開始時我．澤．井雄
對
CF．Yanlai．翹
玩到勁癲，博哂命
後來變左
三男對麻路一個
井雄扑左佢個頭一下
麻路就發癲喇，冇人敢接近佢
費事受重傷 =_=

大戰後，上床訓覺
觀星取消。
十一點起身，十二點交屋
喇喇聲執野
趕住走．早午餐都費事食
琴晚就一早諗定今日午餐返市區食Sushi
返西九龍食明將
cheap cheap地，食住先啦
整係個Camp都洗左三舊水
破產。
兩點幾三點食到五點幾六點
坐左勁耐。
晴．麻路．翹先走

我．澤．井雄．CF．Yanlai去游水
，補回作天損失 -___-
因Olympic關係，
泳池免費開放，所以多人到嘔
迫死
啲水又熱．游夜水都游得唔舒服
教井雄游水，游極都唔識
十點清池，沖涼換衫走人。

返到土瓜灣
同井雄食飯後回家

Ps：此Camp一張照片都冇影

報時：6／７　
凌晨： 02：52